లక్నో: ఉత్తరప్రదేశ్‌లో ఎన్నికలు రసకందాయంలో పడ్డాయి. సుదీర్ఘ చర్చల తర్వాత మొత్తం తొమ్మిది లక్నో స్థానాలకు బీజేపీ తమ పార్టీ అభ్యర్థులను ప్రకటించింది. రాజధాని లక్నో నుంచి సమాజ్‌వాదీ పార్టీ అధినేత, మాజీ ముఖ్యమంత్రి ములాయం సింగ్‌ యాదవ్‌ కోడలు అపర్ణా యాదవ్‌, బీజేపీ ఎంపీ రీటా బహుగుణ జోషి కుమారుడు మయాంక్‌ జోషి ఇద్దరికీ ఈ జాబితాలో చోటు దక్కలేదు. ఎన్‌ఫోర్స్‌మెంట్‌ డైరెక్టరేట్‌ మాజీ అధికారి రాజేశ్వర్‌ సింగ్‌, స్వచ్ఛంద పదవీ విరమణను ఆమోదించిన కేంద్ర ప్రభుత్వం సరోజినీ నగర్‌ అసెంబ్లీ స్థానం నుంచి పార్టీ టిక్కెట్టు ఇచ్చింది. రాష్ట్ర మహిళా సంక్షేమ శాఖ సహాయ మంత్రి స్వాతి సింగ్‌, ఆమె భర్త దయాశంకర్‌ సింగ్‌ ఇద్దరూ ఆ సీటుపై కన్నేశారు. అపర్ణాయాద్‌, మయాంక్‌ జోషి ఇద్దరూ నామినేట్‌ అవుతారని ఆశించిన లక్నో కంటోన్మెంట్‌ సీటు రాష్ట్ర మంత్రి బ్రిజేష్‌ పాఠక్‌కు కేటాయించారు. రీటా బహుగుణ జోషి గత ఎన్నికల్లో ఈ స్థానంలో అపర్ణా యాదవ్‌పై విజయం సాధించిన విషయం విదితమే. గత రాష్ట్ర ఎన్నికలలో లక్నోలోని తొమ్మిది స్థానాలకు గాను బీజేపీ ఎనిమిది స్థానాలను గెలుచుకుని తన పట్టును నిరూపించింది.
- Advertisment -